Global Game jam 2015 اللعبه الى طورناها فى مسابقة

من أجمل التجارب الى مريت بيها هى وجودى فى القرية الذكية  حيث النت الطلقة والxbox والDeveloping والfriendship وكفى
المسابقة كانت عبارة عن 3 أيام  اول يوم سشنز ومحاضرات عامة عن مجال الالعاب وتطويرها وتانى يوم تجميع فرق ومجموعات وبداية تطوير لعبة
مرحلة الفكرة:
أطول مرحلة مرينا بيها فى الايفنت هى اختيار لفكرة اللعبة معظمنا كويس فى البرمجة والادوات الى ممكن نستخدمها فى برمجة اللعبة المشكلة فى الفكرة ,الفكرة الى ممكن نعمل حواليها اللعبة . ايوه هى الفكرة الى المفروض تنور فى دماغك للحظه
للاسف مش متعودين نفكر معندناش الادوات الى نفكر بيها او التجارب الى نستوحى منها افكار فى عمل اللعبة
ممكن الدرس الى اتعلمنها فى المرحلة دى  ان الافكار ليها أدوات زى البرمجة بالظبط محتاجين نطورها !
مرحلة الشغل وتقسيم الادوار :
هكتب عنها لاحقا ,ان شاء الله

Intel wearable Technology تجربتى فى مسابقة

مسابقة     Intel wearable Technology

دى كانت اول مسابقة على الانترنت اشارك فيها فى حياتى :

المسابقة كانت عباره عن تراكين 

الاول وهو تصميم ادوات للمستقبل

التانى وهو تخيل ادوات هيتم الاستعانه بيها فى المستقبل 

ودا التراك الى دخلته عشان مكنش عندى خبره فى مجال الالكترونيات او البرمجه 

 ودى فكرتى الى اشتركت بيها:

عبارة عن نضارة ذكية بتسجل كل اى لحظة سببتلك سعاده وتخزنها  وبكدا تقدر تحتفظ بذكرياتك او لحظاتك السعيدة الى مريت بيها

طبعا واضح من الفيديو ان مكنش عندى اى مهارات جرافيك او فيديو عشان اعمل فيديو محترم يوضح الفكرة
كل الى استخدمته كان برنامج الرسام وويندوز movie maker تقريبا مكنش عندى نت يومها فروحت رفعت الفيديو من على جهاز عمى .

كانت تجربة حلوة استفدت منها شوية حاجات:

اول حاجة لما خلصت الفيديو مكنتش راضى عنه بشكل كبير  ومكنتش عايز اشارك بيه فى المسابقة   ,بس بعدين لقيت فيديوهات الهنود المشتركين فى نفس المسابقة
مسجلين فيديو وطالعين فيه بفنلة حمالات وبيتكلموا عن الفكره وخلاص ,اه والله! , فاتشجعت واخدت الخطوة انى ا شارك وزى ماتيجى تيجى!

طبعا الدرس المستفاد هنا " لو هتستنى يكون عندك كل الامكانيات عشان تنفذ فكرتك,مش هتعمل حاجه خالص ,اتوكل على الله واستغل الى فى ايديك وان شاء الله هتلاقة نتيجة مرضية "

طبعا ماكسبتش اى مركز بس اخدت شهادة تقدير تفكرنى باليوم دا