اول يوم فى المعهد بيفكرنى باول يوم مدرسة واول يوم جامعه ,بتبقى مشاعرك متلخبطة و بتحاول تستكشف المكان وتلف فيه عشان تتعود عليه ,بالرغم انى كنت فى المعهد من سنتين فى مسابقة global Game jam -ايفنت خاص بتطوير الالعاب- بس لما دخلته النهارده أكنى اول يوم ادخله بصراحة وكان عندى شغف اعرف كل حاجه عن المعهد وكل اوضه وكل ركن فيه.
وصلنا بدرى نص ساعه عن بداية المحاضرة وقعدت الف شوية فى المكان
وبعدين طلعنا على قاعة المحاضرات
الاسبوع الاول كله كان عباره عن مادة ال C# مع المحاضر الرائع أحمد الدوميرى
المحاضرات كانت عبارة عن فترتين من 9ل 12 ومن 12-3
وبعدها الlab من 3ل 7 عشان نتطبق على المحاضرة.
بصراحة كانت اول مره ناخد محاضرات بالمده دى وبعد المحاضرات مكنش فينا نفس او دماغ ان احنا نسمع كلمه تانيه : المشكلة ان الطبيعى ان لسه فترة كمان والمفروض دى هنقعد فيها نكتب كود ونطبق على المحاضرات الى اخدناها ,
بس طبعا م. هشام جمال الsupervisor للتراك, كان محضرلنا مفاجأة بعد المحاضرة ,بسطتنا كلنا بجد ^^
اول لما دخلنا ال Lab فى قاع 2332 لقينا على كل ديسك نوت صغيرة وواحدة مندوليين . كترحيب بالدفعة الجديده من التراك
Civil Engineering Informatics intake 38
بصراحة محظوظين ان م.هشام جمال معانا فى التراك
